ទីម័រ៖ ពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅទីក្រុងឌីលី ប្រទេសទីម័រឡេស្តេ នាព្រឹកថ្ងៃទី៤ ខែមេសា ឆ្នាំ២០២៣នេះ។

ពិធីនេះដែរបានចាប់ផ្តើមដោយមានការអញ្ជើញចូលរួមរត់ដង្ហែ និងអបអរសាទរដោយផ្ទាល់ពី ប្រធានាធិបតីទីម័រឡេស្តេ លោក José Ramos-Horta និង រដ្ឋលេខាធិការក្រសួងទេសចរណ៍ និងជាបេសកជនពិសេស នៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ (CAMSOC) លើកទី៣២ និងអាស៊ានប៉ារ៉ាហ្គេម (CAMAPGOC) លើកទី១២ លោក ហោ សារុន ព្រមទាំងអត្តលិកទីម័រខាងកើតសរុបប្រមាណ ៨០០នាក់។

គួរឱ្យដឹងដែរ ភ្លើងគប់កីឡាបានដង្ហែឆ្លងកាត់ពី ប្រទេសវៀតណាម ហ្វីលីពីន ឥណ្ឌូណេស៊ី ទីម័រខាងកើត ហើយនឹងបន្តដង្ហែទៅជុំវិញប្រទេសអាស៊ាន ព្រុយណេ សឹង្ហបុរី ថៃ មីយ៉ាន់ម៉ា និងឡាវ ហើយភ្លើងគប់នេះនឹងបន្តដង្ហែមកកម្ពុជាវិញនៅថ្ងៃទី២៧ ខែមេសា ឆ្នាំ២០២៣ ដោយដង្ហែជុំវិញបឹងទន្លេសាបមុនឡើងមកដល់ពហុកីឡដ្ឋានជាតិមរតកតេជោ នាថ្ងៃទី០៥ ខែឧសភា ឆ្នាំ២០២៣ ដែលជាថ្ងៃបើកការប្រកួតកីឡាស៊ីហ្គេម-ប៉ារ៉ាហ្គេម៕